Bunch of colors

ا تعلمت إزاى اوقّف الغضب عند حدة،إزاى لما حد يجى عليا اخد حقى،عرفت قيمة نفسى و عرفت إزاى اعزها،اتعلمت إزاى اما اقع ارجع احسن م الاول 100 مرة،اتعلمت إزاى اشوف الحسرة اللى اتحطيت فيها بسبب ناس تانية فى عيونهم و بدل ما اشمت و افرح فيهم.. اساعدهم انا اكتر بنى آدم كان صعب يمسك نفسه وقت الغضب.. ممكن اقعد اغل فى نفسىى و ازعق من جوا و الغبط فى الكلام بس كل ده بينتهى قدام حقيقة واحدة "إن الحق مبيضعش و إن ممكن اكون اللى انا فيه تخليص حق ناس عندى مش اكتر المهم إن اللى بينك وبين حقك شوية وقت،الغضب و الكره عمرهم ما كانوا حل و لا عمرهم هيكونوا " متفقدش ثقتك فى عدل ربنا.. هو عالم بينا،عارف دواك و معاده.. فاصبر  كل حاجة حزينة ممكن تبتسم و كل اللى اتكسر مابيتصلحش اه بس ممكن  نشترى غيره، لازم يكون فى و لو نص حاجة سعيدة وسط اكوام الهموم "خليك عارف  إن الصبّار بيشوِّك.. بس بيقوى المناعة "

لا تبكى يا صغيرى لا انظر نحو السماء من قلبك الحرير لا لا تقطع الرجاء إن الامل جهد عمل و الجهد لا يضيع.. الامل جهد عمل الوان طيف طائرة قوس و حب ناشرة من اين؟ من اين؟ من قطرات الماء تعاونت قطرات فى قلبها نبضٌ ملئ بالحياة تماسكت.. تعاونت.. كن مثلها جهد،امل،الوان.. حياة. مهما ساءت الأمور.. الطفولة البريئة و ذكرياتها ممكن تصلح كتير.

مش عارفة الفئة العمرية اللى احنا فيها دى هى السبب فى حزننا ولا الزمن اللى مبقاش فيه حاجة تفرح؟ ولا احنا نفسنا اللى بنركز زياده؟ مش عارفة هل ده فرق شخصيات؟ ولا فرق فى سياسة الاسرة نفسها و هى بتربى ولادها؟ ولا فى ايه بالظبط؟ انا كل اللى متأكده منه ان البنى آدم مجاش الدنيا عشان يزعل و لو حصل و زعل لازم يكون الزعل دا مؤقت.. انت ماتستاهلش تنام زعلان ماتستاهلش تضيع وقت فى الزعل صدقنى.. احنا مبنحسش بالسعاده قد ما بنحس بالزعل، عمرك شفت حد زهقان من كتر الفرح؟ حد عمره قالك انا نفسى اكتئب؟ او مثلاً انا نفسى ربنا يبتلينى ب مصيبة و ادخل السجن اقعدلى 10 سنين كده؟ او حد من اللى بحبهم يموت و افضل اعيط عليه؟ او امى يجلها مرض و تقعد ف السرير ما تقومش منه؟ لأ، مفيش. محدش حاطط الزعل فى ال wishlist بتاعته.  ممكن يكون عشان الطبيعى إن البنى آدم يعيش سعيد؟ و إن الزعل هو اللى حاجة غريبة علينا؟ مش لاقية تفسير فيه امل اكتر من ده. الزعل مؤقت و منتهى.. الطبيعى بتاع الدنيا انها سعيده. ماتطاولش فى الزعل علشان الانبساط حلو بس مش  هيبقى حلو اما يفوتك.

Have you ever wake up and found yourself ruining someone's life with no intention to do so? It really sucks when it happens to be,you wish you have the ability to make everything right but in reality you have nothing to do it's just you and the problems you think you have to fix,they may not even exist, might only be that feel of guilty. I know it seems somehow complicated but it's not.. you have nothing but facing those problems nothing but telling the truth,let them know what the real problem is,help them pick up their shattered pieces, offer them help by showing them the road because they are blinded by you, by love. And it's only you who can do it. It's not your fault that you don't have feelings for them,you don't have to explain why,don't have to give a single reason.. sometimes it's that only thing that tells you every day that you have to go away and set yourself free. Everyone thinks he is a victim, the truth is everyone likes to be trea

She can be that one you never wished to have. She can be the rudest person you've ever met. She can be heartless, sometimes cold. She can be sweet,friendly.. but she won't let you get close easily. She can be kind,lovely.. but take care cause she can also be your worst nightmare!

Sometimes you feel you have nothing to give but it's not the  truth it's just the time to win back or to collect the flowers you once gave to others, to the ones you love, or you just collect them because of being good. Always be good to others because once you have nothing to give or just feel down you will receive as much support and positive energy as you wish without asking for any of this, without even a complaint. You'll find them coming telling you "Love yourself,Buddy! we are here for you, we are the people you love,the people you once gave hope and it's the time to share this hope together,WE LOVE YOU!!" and trust me that will be enough.

النفاق و المنافقين و بتوع المصلحة و اللى فاكرين انهم اشباح و مقطعين السمكة وديلها و اللى واخدين الدنيا عافية و مش باصين وراهم و مش هاممهم حد.. هيجيلكوا يوم و تتكسروا  و تبطلوا شبحنة، هتقعوا من فوق اطول سلم فى العالم و تنزلوا مدغدغين.. مش هتموتوا بس هتعيشوا بعاهات،هتفضلوا تعانوا طول حياتكم.. يمكن تفوقوا فيكون مصيركم كرسى تكملوا عليه حياتكم و حد فضل حاطط امل انكم تفوقوا و تبطلوا نفاق، و ممكن تفضلوا مكملين فى  الغيبوبة فيبقى مصيركم نفس الكرسى فى وِحده مدى الحياة. الحق نفسك بدرى بدرى و كفاية نفاق و قرف و حرقة دم..

انهارده خلص.. بكره هيخلص،كل حاجة وليها نهايه كل حاجة مربوطة بالوقت زعلك مؤقت.. خلى عندك ايمان انه هينتهى ربنا خلقنا مبسوطين.. حتى فكرة العقاب فكره مؤقتة ربنا بيعاقبك عشان بعد كده تعيش مبسوط و مرتاح نفسياً حياتك صعبه و كئيبة مقولناش حاجة والله.. بس مفيش حاجة سهله فشلت؟ ابدأ تانى حاول لحد ما تنجح.. خلى هدفك النهايات السعيده مهما حصل و مهما كان الموقف مؤلم.. النهايه السعيده ممكن تكون إنك اتعلمت حاجة هتخليك متوقعش فى نفس الموقف دا تانى.. الحياة عشان قصيرة محتاجة اللى يطنش مش عايزة اللى يقف لها ع الواحدة و يسألها ليه كل شوية يا عم خليها تيجى عليك ما يجراش حاجة.. خليك بس عارف ان حقك جاى جاى  حتى و لو بعد 100 سنه هى مسألة وقت مش اكتر متسبقش الاحداث.. حقك لازم هتخده، صدقنى كل حاجة لما بتيجى فى وقتها بيبقى طعمها احلى،  ازعل و افرح و اضحك.. عيط زعق اتخانق،بس متديش الحاجات اكبر من حجمها، كل حاجة جاية بس فى وقتها

الواحد تعب م الشكوى.. تعب من كتر ما بيلوم اللى حواليه سعات بيبقى الحل إنك تسكت و تتعامل عادى كأن مفيش حاجة حصلت  و كأنك حاببهم او على الاقل مش شايل منهم، فكرة الاستسلام فى حد ذاتها بتسيطر عليك او بتبقى الحل الوحيد إنك تريّح دماغك، خاصة الناس اللى نفسها قصير.. اللى بيفضلوا يعترضوا على وضع معين مش عاجبهم مرة و اتنين و تلاتة لحد ما بيجيبوا جاز.. بعدها بتبدأ مرحلة الاستسلام اللى هى اسوأ مرحلة ممكن تاخد فيها قرار و ده طبعاً عشان الاختيارات بتكون شبه معدومة.. هو إختيار إنك تسكت و تبتدى تتعامل عادى و دا لما تكون باقى ع اللى قدامك اللى هو مش عايز تقطع معاه او تزعله بس فى نفس الوقت مش قادر تحبه هو بقى حمل عليك بس عشان مايزعلش هتسكت و تشيل ف قلبك و تكمل ف علاقة منتهيه اصلاً او إنك تقرر تمشى.. تختفى فجأه من غير مقدمات بس ساعتها مش هترجع تانى. متوصلش لمرحلة الاستسلام،ارمى الحمل من عليك و كمِّل.. متخليش الناس تشحَّر،خليك خفيف

الواحد مبيبقاش متخيل اهمية الحاجة غير اما تروح منه.. او ع الاقل متكونش بنفس درجة قربها منه الجملة دى صح فى كل حاجة الا معاكى.. كنت عارفة إن غيابك هيفرق كانوا بيفضلوا يقولولى عادى كده كده مبتتكلموش ولا بتشوفوا بعض غير كل فين و فين كلامهم صح.. بس اما يكون بينك و بين اللى بتحبه شارع غير اما يكون بينك و بينه اكتر من بلد وحشتينى.. و معزتك عندى كل يوم بتزيد انت للى ماختلفوش عليكى،العاقلة اللى دايماً بتعديلى مهما اغلط.. بحبك اوى.  صاحبك اللى بيعرف يحتويك،بيخاف عليك من قلبه.. اللى بيحس بيك من غير كلام،اللى بيطبطب عليك و مش هامه حتى يعرف مالك.. اهم حاجة عنده إنك تبقى كويس،دا نعمه من عند ربنا او يمكن اكبر نعمه ف الدنيا. اتنين فى حياتى بيمثلوا الشخصية دى.. ربنا يحفظهم ليا و لكل اللى بيحبوهم. لكل واحد عنده الشخصية دى.. ربنا يديمها نعمه فى حياتك. 

اللى بيحاولوا بكل الطرق يخلوك مبسوط.. و انت اصلاً مش طايق منهم كلمة و اللى فاكرين إن بوجودهم جمبك بالعافية هيكبروا فى نظرك مثلاً و اللى بيلفوا و يدوروا حواليك و مبيقولوش غير كلام حلو او يشكروا فيك على اى حاجة تافهه تعملها انتم بتخنقونا يا جماعة.. بتشفطوا الاوكسجين من حوالينا ارحمونا و ارحموا نفسكم.. و متنفخوش فى إربه مخرومة،ارجوكم

ابسط حقوق البنى آدم.. مساحة شخصية انه يختار هيلبس ايه،  هياكل ايه،  هيصاحب مين و يحب مين و يكره مين، هيدرس ايه و يشتغل ايه، امتى يضايق و امتى ينبسط، امتى يعمل فيها من بنها، امتى يتنرفز و يقف ع الواحدة، امتى يقرر يمحيك من حياته و امتى يقرر انه يخليك فى قلبه مدى الحياة.  ارجوكم ادوا لنفسكم مساحة.. للحواليكم مساحة ياجماعة بلاش خانقة.. الواحد مبقاش عارف ينبسط من كتر اللى باصينله فى انبساطه سبونا ننبسط و نحب و نضحك إنشالله نولع فى نفسنا حتى.. ادونا مساحة ارجوكم.

بحب اقف للحظات الحزن وقفة احترام و تقدير اوقات الحزن غالباً ما تكون اكثر اللحظات عقلانية فى حياتك مش قصدى وقت الحدث نفسه  بس بعد تجاوزك لالم الموقف  بتبتدى تبصله نظره تانية بتبصله من برا.. كله على بعضه كده. ساعات الالم بيكون سببه الفراق سواء كان وفاة حد عزيز عليك او خروج حد بتحبه من حياتك.. ودا نوعين   يا إما هو قرر يسيبك و دا مش موجع اوى بس ساعات بيمد البنى آدم برغبة الانتقام وهى  دى خطورته عشان غالباً بتطلّعُه ع الشخص الصح اللى بيجى بعديه وساعات رد فعلك بيكون مجرد الصمت بيجيلك حالة قرف... اللى هو انا إزاى اديت اهمية لإنسان واطى كدا. او حد إنت قررت انه مينفعش يكون فى حياتك لما تلاقى غيرك خد مكانك من غير حتى ما تغلط و مفيش حل غير إنك تلم الباقى من كرامتك و تمشى.. دا وجعه اقوى،اصل تخيّل بتمنع نفسك عن حد بتحبه و بتحاول تكرّه نفسك فيه لحد ما تكرهه فعلاً.. بس عامة نتايجه سعيده عشان كل ما بيعدى الوقت عليك بتكتشف إنك كنت صح.. التخلص من الناس اللى مبتعرفش تقدر هو احسن قرار فى الدنيا المهم إن كل ده بياخد من روح البنى آدم حتّة.. مكان بيفضى مابينفعش يملاه غيرهم،بعدين الموضوع

اما يشتكولك.. اسمعهم متعرِضش مشكلتك لحد اصلاً جى يستنجد بيك الناس مش ناقصة هم على همها هو جه يشتكى عشان تعبان مش عشان تتعبه زياده بلاش غشومية يا جماعة سيبوهم يتكلموا و يطلّعوا كل اللى جواهم ادولهم فرصتهم زى ما بيقولوا طوِّل بالك.. خليك مرايتهم، طبطب عليهم اوعى فى يوم تتفه من مشاكلهم مش انت اللى تحدد المشكلة تافهه ولا لأ هو لو مكنش حاسس ان فى مشكلة مكنش صدَّع نفسه صدقنى محدش غاوى نكد.. محدش بيحكى مشاكله لأى حد و السلام هو اختارك من بين كتير او يمكن مفيش غيرك اصلاً بس الاكيد انك اكتر حد بيرتاحله او بيثق فيه او حتى عنده امل إنك تكون دواه هو اما حكالك كان عارف ان مفتاح سعادته مش فى ايد اى حد تانى غيرك افتحولهم باب الانبساط يا جماعة طبطبوا عليهم من غير معلش تعاطفوا معاهم من غير شفقه جددوا فى طريقة مداوتكم فاجئهم بحاجة بسيطة بيحبوها  حطها الصبح على باب بيتهم اى حاجة بسيطة تعملها.. هتفرق الحاجات الصغيرة بتفرق و بتحسسهم انهم فارقين مع حد  و بتنسيهم الزعل بدل ما يعوزوا جنازه عشان يشبعوا فيها لطم.. خليهم يشبعوا حب و مفاجآت و سعاده

    إنك تحس إنك مميز عند شخص ما.. دا احلى احساس ف الدنيا اما تسمع كلمة حلوة من حد بتحبه لما فرقتك تبقى خسرانة 1-0 و بتلعب ميتينى و تجيب جولين فى الوقت الضايع لما تجيب درجة عالية ف إمتحان مذاكرتلوش الخروجة اللى بتيجى فجأة كباية النسكافية اللى تعدل دماغك بعد صداع رهيب اغنية بتحبها اشتغلت فى الشارع خلتك تبتسم و انت ماشى تعبان هدية بسيطه من صاحبك اللى بقالك شهرين مشفتوش تفكرك إنك على باله لما ترجع البيت و تلاقى اكتر اكله بتحبها جاهزة عشان الام احلى حاجة ف الدنيا لما تذاكر كويس و تقفل الامتحان فتحس إن مجهودك ماراحش ف الهوا لمه صحاب المدرسة اللى ميتعوضوش لما تقع و من غير ما تشتكى تلاقى اللى يسندك لما تلاقى حد مصدقك.. دايماً واقف جمبك و مشجعك كل ما كان سبب السعادة بسيط كل ما كان احلى قصروا وقت الزعل و انبسطوا وحبوا الحياة امسكوا ف اللحظات الحلوة جامد فى اللى بتحبوهم ف اللى بيحبوكوا حافظوا على مصادر السعادة و ادوها فرصة تنموا الحياة مبتحلوش لوحدها.. الحياة حلوة طول ما انت حابب تشوفها كده 

التواضع حلو إنكار الذات جميل حِب نفسك.. حِب نفسك تانى حبتها؟ متذلهاش بقى نفسك غالية.. اعرف قدرها رحم الله إمرئ عرف قدر نفسه.. مش داس على نفسه بقطر

حِب عيوبك و اتعامل معاها اتناقش مع نفسك و اوصل لحل وسط حِب نقط ضعفك لحد ما تتغَلِّب عليها كل نقطة ضعف فيك بتولِّد قوة.

اللى بيصحى يبدأ يومه مكشر من غير سبب اللى مضايق فبيضايق اللى حواليه اللى موده بيقلب فجأة اللى مش لاقى وصف لنفسه غير انه مجنون اللى بيفرح فجأة و بيزعل فجأة اللى عايز يعيط فجأة اللى بيتلكك عشان يفرح  بس بيزعل من اقل حاجة الناس الحساسين اوى و فى نفس الوقت جافين ف مشاعرهم اللى مش عايزهم فى حياته بس عايزهم يهتموا بيه اللى بيغير عليهم بس بيقلهم انه مبيحبهمش اللى بيقلهم انه مش مهتم بس هو مافيش فى دماغه غيرهم المتناقض و عارف كده الصريح اللى بيخبى حاجات كتير الصادق اللى بيتجمل بالكدب اللى لسه مش قادر يفهم نفسه بس هو اكتر حد فاهمها وآخيراً اللى بيقرا الكلام ده و زهق منى او عجبه كلامى الناس دى هتلاقيهم مش مستقرين فى علاقتهم  هتحسهم مهزوزين و مش عارفين ياخدوا قرار بس اما بياخدوا قرارهم مبيرجعوش فيه متهورين... الناس دى مُتعبة جداً بس تعبانة اكتر منهكين نفسياً.. مستهلَكين من كل النواحى حرفياً لكل من يمتلك فى حياته ناس كده.. قلبى معاكم مسؤليتكم كبيرة.. عشان الناس دى عايزة طبطبة من بعيد اهتمام و حب من غير ما تحسسهم انك بتعمل حاجة كن خفيفاً عليهم.. متكونش حِمل.

لما تحب حد اوى متحسسوش انه رقم اتنين متحسسوش باى حاجة غير انه مفيش زيه يا تخليه رقم واحد.. يا تحجزله مكان لوحده انت عارف انه يستاهل حتى لو مايستهلش.. ادام بتحبه متبخلش حِب و ادى على قد ما تقدر عشان لما الانسان بيحس انه مهم عند حد بيديلوا كل حاجة .. كل حاجة ناقصاه..  من غير ما يطلب مجرد الاحساس انه عندك غير.. ده كفيل بإسعادهم،بتحويلهم لملايكة فى حياتك الاهتمام حلو اهتموا باللى بتحبوهم و اللى مبتحبوهومش اعملوا فيهم خير و اهتموا بردو ممكن تكونوا سبب فى تغييرهم فى يوم.

عايزهم ليك لوحدك و انت عمرك ما كنت ليهم لوحدهم انت عارف و انا عارفة و كلهم عارفين انت بتضحك على نفسك انت عمرك ما كنت لحد ولا عمرك هتكون...

الكلام دايماً سهل.. بس مش عن اللى بتحبهمم سيظل اكتر واحد بتحبه هو اكتر واحد مش حاسس انك مديله المكانة اللى يستحقها كل واحد فى حياتنا عنده شخصية بيحس إنها من عالم تانى من كتر ما هى مش موجود زيها او فيها صفات كتير حلوة لدرجة انك بتدور على تصنيف ليهم برا فئة البشر.. انا لسه مكتبتش ف ال بلوج  عن الناس اللى بحبها وزى ما انتِ دايماً بداية اى حاجة فى حياتى فانا قررت إنك تكونى اول حد اكتب عنه.. إليك صديقة كل لحظة حلوة.. صديقة العمر الطويل.. صديقة الطفولة، المدرسة، ثانوية عامة (اصعب مراحل حياتى حتى الان و ربنا ما يعيدها تانى غير و انتِ معايا) صديقة الحياة.. صديقة الاوقات الصعبه و لحظات الضعف و الانكسار و العياط و اليأس.. اللى شايلانى و مستحملة همى و تقلى اللى اما بتكلم معاها بحس انى بتكلم مع نفسى بتديك مساحتك تتكلم براحتك، تعيط، تزعق، تشتمها حتى مش مشكلة كل ده..  اهم حاجة  عندها انك تكون مبسوط..  انتِ الحب و الضحك بصوت عالى و الاخلاق و مركز اسرار الكون اللى مبحسبهاش و انا معاها هتصرف إزاى.. هقول ايه.. اللى عمرى ما فكرت ابرر موقف ليها و لو حتى

الشخصيات الكتومة.. الغامضة،اللى متعرفش تطلَّع منها كلمة صغيرة لو هما مش حابين يحكوا مش هيحسسوك ان فى حاجة هيفضلوا يضحكوا و يتكلموا و يعيشوا اللحظة معاك وهوب فجأة هينهاروا.. هيتوجعوا جامد هما اصلاً موجوعين وعندهم الف سبب و سبب انهم يقعوا بس مبيحبوش ينشروا الطاقة السلبية ع الفاضى لما حالتهم بتسوء.. بيختفوا بيلملموا نفسهم بنفسهم بيحاولوا يقوموا بسرعة قبل ما تاخد بالك ان فى حاجة هزتهم مؤمنين إن الوقت بيداوى و بإن الكلام مش هيجيب فايده مبيحبوش الرغى الكتير ولا العلاج العاطفى للمشاكل اللى هو اللى قدامك يتعاطف معاك و انت بتحكيله مشكلتك هو اه صادق و فعلاً مضايق عشانك بس و بعدين؟ مشكلتك اتحلت؟ ارتحت؟ لأ،انت بس حطيت عليهم حمل زيادة حمل من نوع هما بس اللى فاهمينه عشان هما شخصيات كتومة كل ما زاد عدد العارفين بحالتهم بيزيد توترهم يا ترى هيروح يحكى لمين عن مشكلتى؟ و اللى هيحكيله هيقول ايه عليا؟ اسئلة كتير بتدور فى دماغهم.. الحمل بيزيد مش بيقل الناس دى عايشة اصعب حياة و الله.. لا عارفة تساعد نفسها و لا بتقبل مساعده من حد مرتبطين بصندوقهم الاسود

إلى طنط اللى مش هتبطل تقلى إنت تخنتى.. إلى عمو اللى مش هيبطل يعلَّق على لبسى.. إلى البنى ادمين اللى مبتبطلش تسأل عملتى ايه فى الامتحان؟.. إلى اللى لسه بيسأل صايم ولا زى كل سنه.. إلى كل واحد بيسأل انتِ ليه بتشجعى الزمالك؟ إلى اللى عايز يعرف مالى.. و اللى صعبان عليه إنى اكون زعلانه.. إليكَ و إليكِ.. سيبوا الناس فى حالها متسألوش! بطلوا فضولية.. لو حابين تعرفوا مالهم و خايفين عليهم اوى؟ طبطبوا عليهم من غير ما تعرفوا حاجة.. اكتفوا بفكرة انهم مش كويسين.. هما مش ناقصين هم على همهم،خِفّوا الحِمل ماتَّقِلوهوش.

..كلنا محتاجين نعيد ترتيب اولوياتننا ما بين كل فترة و التانية لازم يكون فى مرحلة هدنه حاجة زى فترة النقاهه كده عشان العلاج يكمل و تقدر تخف و تقوم سليم من بعد المرض ..لازم فترة نقاهه مش شرط تطلع بعدها باى تغيير مش لازم تاخد قرار حاسم او تقطع علاقتك مع دا او دى او انك مثلاً تقرر تسيب شغلك ..او تقرر تدرس حاجة تانية لأ،هو بس بما إننا فى الدنيا دى عايشنها سباق فالواحد بيبقى تعبان م الجرى فى حد ممكن مايستحملش فيقرر ينسحب ..و فى واحد قرر ياخد نفسه و يرجع يكمل .خلينا بس متفقين إن ا لاجازات م العلاقات اكتر حاجة صحية فى العالم تقريباً