من داخل صندوقى الأسود..

الشخصيات الكتومة..
الغامضة،اللى متعرفش تطلَّع منها كلمة صغيرة لو هما مش حابين يحكوا
مش هيحسسوك ان فى حاجة
هيفضلوا يضحكوا و يتكلموا و يعيشوا اللحظة معاك
وهوب فجأة هينهاروا..
هيتوجعوا جامد
هما اصلاً موجوعين
وعندهم الف سبب و سبب انهم يقعوا
بس مبيحبوش ينشروا الطاقة السلبية ع الفاضى
لما حالتهم بتسوء.. بيختفوا
بيلملموا نفسهم بنفسهم
بيحاولوا يقوموا بسرعة قبل ما تاخد بالك ان فى حاجة هزتهم
مؤمنين إن الوقت بيداوى و بإن الكلام مش هيجيب فايده
مبيحبوش الرغى الكتير
ولا العلاج العاطفى للمشاكل
اللى هو اللى قدامك يتعاطف معاك و انت بتحكيله مشكلتك
هو اه صادق و فعلاً مضايق عشانك
بس و بعدين؟
مشكلتك اتحلت؟
ارتحت؟
لأ،انت بس حطيت عليهم حمل زيادة
حمل من نوع هما بس اللى فاهمينه
عشان هما شخصيات كتومة كل ما زاد عدد العارفين بحالتهم بيزيد توترهم
يا ترى هيروح يحكى لمين عن مشكلتى؟
و اللى هيحكيله هيقول ايه عليا؟
اسئلة كتير بتدور فى دماغهم.. الحمل بيزيد مش بيقل

الناس دى عايشة اصعب حياة و الله.. لا عارفة تساعد نفسها و لا بتقبل مساعده من حد
مرتبطين بصندوقهم الاسود.. مقتنعين إن البقاء جواه لوحدهم احسن 100 مرة من اى فتحة تدخل منها اشعة شمس ممكن فى يوم تحرقهم. 

Comments

  1. desoukyNovember 25, 2015 at 11:30 PM

    This comment has been removed by a blog administrator.

    ReplyDelete

Post a Comment

Popular posts from this blog

ظروفك لا تسمح بشرحها.. عمرك ما قدرت ولا هتقدر فى يوم تشرحها كلنا بنوصل لعُمق معيَّن جوانا بعديه بتقلب ضلمة.. مش مسموح لحد يولع نور غيرنا فى منا بيسكت و يعانى فى صمت و فى بيطلعه فى شوية زعيق و خناق و نرفزة ملهاش لازمة ظروفك بتضغط عليك،احياناً بتخسرك اغلى ما فى الوجود مع إن مبررك قوى و هيصبرهم كتير.. بس مبيتحكيش محدش بيحب يبان وحش ولا ضعيف بس ساعات بيبقى لازم تستسلم و تقول بأعلى صوت.. انا مش قادر،انا تعبان.  بس انت بتختار تسكت و تبرر تبريرات غير مقنعة غير لحد عايزك.. عايز يحافظ عليك فمستنى السبب المش مقنع عشان يقتنع.  انا بكتب الكلام دا عشان مليت،مليت لك.. مليت م الاعتذار باسباب غير مقنعة،بكتبه عشان انت متستحقش منى غير الحقيقة.. والحقيقة صعب تتقال،انا بعفيك م المواقف اللى عمرك مابتتحط فيها غير بسببى. مش قادره اجى عليك اكتر من كده.. فهعفيك بينى و بين نفسى على الاقل.
Read more

Complicated, I guess.

I know nothing other than loving you. I seriously think that you're gradually leaving my side, you're actually abandoning me. I don't quite understand the reason or maybe I understand, I don't know. I want to insist that I did clarify and explain to you the person you'll meet and how much you may suffer if you fell in love with me. I don't want to share my future life with the very passive version of you but I badly want you. People say we don't fall in love for a specific reason, but we can fall apart instead. I kept asking you for loving me for the person I am and you did, you did it very well :') I also asked you to stay by my side, to make me feel safe, and to never let me feel the loneliness, but you didn't nor in a single way or for a single time. Two persons are fighting inside of me, I do not know which one of them will win this fight, I want you badly and I'm terrified to share my life with you. Are you okay? did I hurt you that bad? I d...
Read more