Bunch of colors

اوحش حاجة فى الفراق و اصعب حاجة فى محاولات الmoving on someone انك مش عارف تحب نفسك اكتر منه‘ فى حين إنك لو عرفت تعمل كدا هتفهم الظلم اللى واقع عليها و هتنتقل من مرحلة المش عارف اتخيل حياتى من غير الطرف التانى لمرحلة انا لازم ابطل اظلم نفسى و بما إنه حب حياتك عرف يكون قاسى عليك و يظلمك هتعرف إنت كمان تكون حنين عليها وترحمها من ظلمه و تmove on.

مش عارفة ابقى قوية و مفيش حاجة وجعانى ولا هزانى عشان انت كنت و مازلت كل حاجة و انا مش عارفه اتخيل إزاى اشيلك من حياتى برغم إنك خلاص اعتبرتنى إكس أهو، إزاى بتقدر تعمل كدا و الله؟ مش قادره و مش عارفه و مش عايزة اصدق إنك اتخليت عنى بالسهولة دى، مش واصلِّى ابداً كم المعاناه اللى حطيتك فيها لدرجة إن نهاية علاقتنا مبقتش حاجة توقَّف حياتك عشانها. حابة اقلك إنى ماستهلش منك كدا ولا من حد تانى، واحشنى و واجعنى و مش هاين عليا و عارفة إنى هنت عليك بس مش عايزة اصدق، تعالى نفترض إن عقلى صدق، طب و قلبى؟ اقله ايه؟

 عارفة و متأكده 100% انك مش هترجع ولا هتفكر تسأل رغم إنك عارف كويس أنا عامله ايه دلوقتى. اتمنى بس تكون عارف انا لسه ماجتش اطلب اننا نرجع تانى لحد دلوقتى ليه و لو مش عارف فانا مش ناسية إنك اتخليت عنى فى الوقت اللى احتجتك فيه بشده و انك مقدرتش تتنازل عن اى كان اللى منعك عنى وقتها و عنى دلوقتى. واه، انا عارفه بردو إنى ماوحشتكش، لسه سامعاك و انت بتقلهالى لسه سامعاك و انت بتقولى امشى انا مش قادر امسك و مش همسك فيكى خلاص.. سامع نفسك زيي؟

دا انا قلت إن انت حاببنى مش معقول تبعد و تسبنى.. حماقى كمان غنا و قال كدا